General Santos City–Aminado ang SOCOTECO II nga lisud mahatag sa kooperatiba ang hangyo sa syudad nga 30 porsyentong diskwento sa bayrunon sa mga konsumante og kuryente.
Gibutyag ni Joy Alora- tigpamaba sa SOCOTECO II nga nadawat na nila ang resolusyon nga giaprobahan sa Sanguniang Panglungsod sa Gensan.
Matud ni Alora nga sobra ra ang ginahangyo sa syudad og kinahanglang ikonsidera ang kapasidad sa kooperatiba sa paghatag og pabor.
Gihimong rason sa SOCOTECO II mao ang dakong bayrunon sa kooperatiba nga dili muobos sa 600 milyon pesos matag bulan ngadto sa mga suppliers.
Dugang pamahayag ni Alora nga wala usab gahatag og discount ang mga supplier sa SOCOTECO gawas lang sa gihatag nga usa ka bulan nga extension sa pagbayad.(Jordan Britos)
Facebook Comments
