Ginatinguhaan sa subong sang delegasyon sang Socsargen nga malab-ot ang target nga 30 ka bulawan nga medalya sa nagapadayon nga Palarong Pambansa sa bahin sang Davao City.
Suno kay Department of Education Sports Coordinator Magdaleno Dohilag sa tion nga malab-ot ang 30 ka gold sang Socsargen Warriors mangin rank 4 ini subong nga tuig nga Palarong Pambansa.
Ginpahayag ni Dohilag nga mas nag-improve ang performance sang mga athletes sa subong kumparar sang nagligad nga tuig sa diin sang ikaduha pa lang ka adlaw sang Palarong Pambansa may 17 na ka bulawan nga medalya ang rehiyon.
Ginsiguro man sini nga makaigo ang P3 million nga ginpain nga pondo sang Dep. Ed . 12 para sa insentibo sang mga athletes nga makakuha sang kadalag-an sa nagapadayon nga Palarong Pambansa.
Ginkumpirmar man ni Dohilag nga wala man sang mga athletes sang rehiyon nga naospital tungod sa balatian matapos nga may report sa iban nga delegasyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
