Davao City – Ang Roxas Night Market bombing tragedy nagtudlo sa mga Davaoweños nga sama sa mga dagkung kabisera sa kalibutan sama sa London sa Great Britain, Nice sa France, Barcelona sa Spain o New York sa America, dili gayud kita exempted gikan sa kalit nga pagbutho sa mga terorista.
Kini ang pasidaan nga giluwatan karon ni Dr. Christopher Ryan Maboloc, philosophy professor sa Ateneo de Davao University (ADDU) sa interview sa programang ‘Straight to the Point.’
Hagit ni Maboloc nga ‘solidarity’ kun panaghiusa maoy atong gamitong hinagiban batok sa radicalism, religious fanaticism ingon man Islamist fundamentalism ug extremism.
Gipunting sa academician nga angay natong masteron kining taktika sa mga terrorists kuyog sa mga agitators ug agent provocateurs diin hinay-hinay na nilang gi-usab ang ilang pagpang-atake gikan sa ‘conventional warfare’ sama sa nagapanghitabo karon sa Marawi City ngadto sa mga bag-ong iskema sama sa suicide bombing, car o truck bombing, van ramming, lethal chemical poisoning ug uban pa.
Gipanawagan usab ni Maboloc ngadto sa tanan nga magmabinantayon ug mag-amping kita sa tanang higayun sanglit walay como sa tawong preparado sa mga ‘worst-case scenarios.’
Kasamang June Duterte
