Roxas City, Capiz- Ginpasalig ni Office of the Civil Defense 6 – Regional Director Jose Roberto Nuñez nga igarekomendar sini sa national government ang pagdayon sang implementasyon sang Panay River Basin Project.
Ini ang nangin reaksyon ni Nuñez nga amo man ang Chairman sang Regional Disaster Risk Reduction and Management Council kasunod sang pagbaha sa kapin sa 154 ka mga brgy gikan sa 12 ka mga banwa sa Capiz.
Suno sa iya nga indi lamang ang Capiz ang manginpulos sa amo nga proyekto. Nahibaluan nga naglibot si Nuñez sa mga kabanwahanan sa Capiz agud nga ipatigayon ang Rapid Damage Assessment and Need Analysis.
Nagapati man ini nga ang Panay River Basin Project, amo ang mangin solusyon sa pagbaha sa Capiz sa tiun sang pag-ulan. Suno diri, nga base sa assessment magadugay sang duha ka semana antes dalayon nga magsubside ang tubig baha sa bilog nga probinsya.
*Photo Credits: * *Romeo Otocan Rbo/Cader Casac*
