General Santos City— Dili magrekomenda ug Suspension Of Military Operation kon SOMO ang militar batok sa rebeldeng New People’s Army. Kini ang gibutyag ni Major General Noel Clement, Commanding Officer sa 10th Infantry Division.
Sumala niya nga gihatagan na ug direktiba ang tanang kasundaluhan sa tibuok nasud nga dili i-konsidera ang unilateral cease fire nga gideklara sa NPA.
Kini gumikan base sa mga nanglabay nga katuigan, gapabilin ang mga pagpangatake sa NPA panahon sa ceasefire bisan ug duha ka partido ang magdeklara niini.
Dugang pamahayag ni MGen. Clement nga higayon nga adunay ceasefire, ginahimo kining higayon sa rebeldeng NPA aron nga makapangatake batok sa tropa sa gobyerno.
Higayon matud pa nga tugutan ang maong caesefire, magpadayon gihapon ang mga aktibidad sa NPA sama sa extortion ug pagpangrecruit.
Kahibaluan nga nagdeklara ug unilateral ceasefire ang NPA gikan Disyembre 24 ngadto na 26 ug Disyembre 31 ngadto Enero 1 sunod tuig.
