Walay plano si Presidente Rodrigo Duterte nga atubangon ang mga militanteng grupo pagkahuman sa iyang State of the Nation Address (SONA) ugmang adlawa.
Matud ni Special Assistant to the President Bong Go, nga pasagdahan na lang sa Presidente ang nagkadaiyang militanteng grupo nga mopadayag sa ilang kahingog-o ug magrally tubgod kay aduna silay freedom of expression.
Wala gibutyag sa kalihim kung nakaabot na sa Presidente ang tambag sa House sergeant-at-arms nga dili usbon ang gihimo niini sa miaging tuig tungod sa isyo sa seguridad niini.
Nasayran nga human sa SONA niini niadtong milabay nga tuig giatubang sa Presidenye ang mga militanteng grupo ug misaka pa kini sa entablado nga maoy hinungdan nga nagkaguliyang ang mga sakop sa Presidential Security Group nga maoy naghatag ug seguridad niini.
Photo credit from CNN Philippines
