Davao City – Malaumon ang mga public school teachers sa Davao City nga dili mapakyas karong panahona ang giingon ni Presidente Rodrigo Duterte atol sA iyang ika upat nga State of the Nation Address kun SONA bahin sa sweldo.
Sa interview sa DXDC RMN Davao kang Association of Concerned Teachers Act (ACT)-Davao City Chapter President Reynaldo Pardillo, nanghinaut kini nga matagamtam na nila ang dugang sweldo aron adunay dugang usab sa ilang pang-adlaw-adlaw nga panginahanglanon bahala’g matud pa gamay.
“Unta karong panahona, mulabaw pa ginagmay, wala man mi nangandoy og dinadagko basta madungagan pud gamay among sweldo… makabuhi, kumbaga our take home pay can take us home,” segun ni Pardillo.
Dugang panghinaut ni Pardillo nga mapatuman ang nahisgutan sa dili madugay sama nalang sa paghatag og dugang sweldo sa mga sundalo ug kapulisan.
“Hopefully by January (next year)… Kay Tatay Digong unta kung dunay gitawag nga increase, unta maapil na gyud mi, this is the grand pay out sa mga teachers… unta dili ni scam sa mga part sa mga teachers. We are hoping and praying that this will be the grand pay out that we will be receiving someday,” paglaum sa ACT-Davao President.
Kahinumduman nga gihisgutan sa pamuno nasud atol sa iyang ikaupat nga SONA ang Salary Standardization Law diin iyang gisaysay nga iapil sa maong balaod ang ginapangayo sa mga magtutudlo ingon man ang mga nurses.
“To the teachers who toil and work tirelessly to educate our young, kasali na po dito ‘yung hinihingi niyo…hindi masyadong malaki pero it will tide you over,” sumala ni Presidente Rodridgo Duterte.
RadyoMaN Renz Barbarona
