ILOILO CITY – Very high passing grade.
Ini ang ginhatag nga grado ni Mayor Jed Patrick Mabilog sa ginpalayag nga State of the Nation Address (SONA) ni pangulong Rodrigo Duterte kahapon sa Batasang Pambansa.
Gindayaw ni Mabilog si pangulong Duterte nga kaangay sa gihapon sang isa ka mayor ang mind set sini apang mas malapad lang ugaling ang nasakupan bangud bilog nga pungsod ang iya ginadumala.
Suno sa alkalde nga iya gid naintsindihan ang gusto matabu ni presidente Duterte ilabi na ang paglab-ot sang handum nga kauswagan sang pungsod.
“Pareho sa iya nagapati ako nga ang tanan nga lugar sa Pilipinas may ara sang LGU, may Mayor nga nagadumala. So kon tagsa isa sa aton nagatuman sang aton obligasyon kag gina-allign naton ang mga programa pareho sa ginhatag ni presidente mangin maayo gid ang resulta snag aton nga pungsod.
So kon ako lang personal, *very high passing grade* ang mahatag ko sa presidente.”
