Matud ni Talikala Program Coordinator for Advocacy Karina Sajonia, wala sila maghinamhinam sa second SONA ni Marcos sa katarongan nga wala man gihapoy bag-ong ikataho ang pamuno-nasud ngadto sa katawhang Pilipino, labaw nang ang mga saad ni PBBM niadtong kampanya hangtod karon wala pa gihapon natuman sama na lamang nga himoong P20 pesos ang kilo sa bugas ug daghan pang uban.
Matod ni Sajonia, ubay-ubay sa mga dagkung problema sa nasud sama pananglitan sa abuso batok sa kababainhan, suliran sa droga, kapobrehon, taas nga inflation rate, ug daghan pang uban wala pa gihapon mahatagi og solusyon, busa hayan dili mutan-aw si Sajonia sa SONA sa Pangulo sunod semana.
Apan nanghinaut ang Program Coordinator Head nga sa lain pang tuig sa pagkupot sa gahum ni PBBM, tutokan na niini ang pagpakusog sa pag-implimintar sa mga balaud nga magprotekta sa katungod sa mga kababainhan, pagpakusog sa ekonomiya sa nasud, paghatag og daghang trabaho ngadto sa mga Pilipino, seguridad sa trabaho ug benepisyo sa mga trabahante, pagpabarato sa mga palaliton ug uban pa.
RadyoMaN Joel Viray
