Naaresto sa buy bust operation sa Distrito sang Jaro ang source sang illegal nga druga sang duha ka Criminology student nga una nga nadakpan sa buy bust operation sa Distrito sang Lapaz.
Ginkilala ang subject nga si Franz Gemangga, 22 anyos sang Barangay Balabago, Jaro.
Si Gemangga ang ginatudlo nga source sang illegal nga druga sang duha ka criminology students nga sanday Jenny Jano kag Edu Pace Matulac.
Bangud sini, ginkasa man sang City drug Enforcement Unit ang buy bust operation kay Gemangga kon sa diin nabaklan ini sang isa ka sachet sang suspected shabu sa balor nga isa ka libo ka pesos.
Narecover sa iya posisyon ang dugag nga lima ka sachet sang ilegal nga druga. (sspunay)
Facebook Comments
