South Cotabato Cassava Cluster nakabaton sang 5 ka hauling trucks.

Nakabaton sang lima ka units sang hauling trucks ang South Cotabato Cassava Cluster para sa Cassava Granules Production and Marketing sini.
Ang nasambit nga mga trucks ang ihatag sa lima ka mga cluster beneficiaries, ang Polo Samahang Nayon Multipurpose Cooperative, Topland MPC, Pobusilla MPC, San Jose MPC kag Self Reliant MPC.
Nagakantidad naman sa P 7.5 million ang nasambit nga mga salakyan nga para sa utilization sang nasambit nga kooperatiba sa pagdeliver sang ila produkto nga cassava granules.
Nahibaluan nga ang Cassava Granules Production and Marketing ang pinakauna nga project commodity sang South Cotabato sa idalom sang Philippine Rural Development Program ukon PRDP nga may project cost nga P 39 million halin naman sa World Bank.
Hugot naman ang pagpasalamat ni Raul Gerada, chairman sang Polo Samahang Nayon MPC sa ginpatigayon nga turn-over kahapon nga adlaw sa nabaton nga mga hauling trucks bangud madugay na suno pa nila ini nga ginahulat.
Sang 2016, nakabaton man ang mga ini sang mechanical chipper, granulator kag tractor.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>