South Cotabato—Sulod lamang sa 15 minutos, mamahimo nang masayran sa South Cotabato Provincial Hospital ang kaso sa dengue.
Nasayran nga nakapalit ang South Cotabato Provincial Hospital ug NS1 antigen test aron gilayon ma-detect ang dengue sa unang adlaw pa lamang nga hilanat sa usa ka pasyente.
Gikaingong daghan kaayong mga dengue patient ang nahidangat sa provincial hospital matag tuig mao nga nipalit sila ug antigen aron masiguro nga sayong ma-detect ang virus.
Usa ka dengue test kit ang NS1 nga gipaila-ila sa India niadtong tuig 2010.
Nasayran nga anaa na karon sa state of calamity ang South Cotabato gumikan sa dengue outbreak human nga mikabat na sa 4,000 ang kaso sa dengue gikan sa Enero hangtod Hulyo 21 samtang mokabat na sa 21 ang namatay.
