Free pa sa subong sa balatian nga African Swine Fever ukon ASF ang mga baboy dire sa probinsya sang South Cotabato, ini ang kumpirmasyon ni Provincial Veterinarian Dr. Flora Bigot.
Suno sa iya nagalab-ot sa 42 thousand ka mga baboy sa probinsya sang South Cotabato ang kinahanglan nga maprotektahan batok balatian nga African Swine Fever nga fatal ang epekto sini sa ikaayong lawas sang mga baboy.
May-angot sini, iya ginaadvice sa mga nagasagod sang baboy sa probinsya nga imintinar ang kalimpyo, ikontrol ang pagpasulod sang tawo sa farm, kinahanglan man suno pa ang pagbyahe sang baboy ang may-yara sang transport permit amo nga nagapadayon ang ila nga quarantine checkpoint kag kon magpaihaw ang kinahanglan may-yara sang veterinary health certificate bag-o isulod sa slaughter house.
Sa mga bumalakal naman seguraduhon suno pa nga may meat inspection certificate ang karne nga ginabakal.
Nahibaluan nga sa subong yara na 21 ka mga pungsod ang apektado sang ASF kapareho sang China, Vietnam, Laos, Cambodia, Mongolia, North Korea kag iban.
Ginahulat naman suno pa ang resulta sang examination sa mga baboy sa Luzon nga naigo sang wala pa nakumpirmar nga balatian.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
