Mas mauna nga mag-implementar ang probinsya sang South Cotabato sang Universal Health Care, matapos nga napilian nga isa sa 33 ka mga probinsya sa pungsod nga mangin advance site sang implementasyon sang Universal Health Care Law.
Suno kay Assistant Provincial Health Officer Dra. Alah Baby Vingno nga ang launching sini ang ipatigayon sa bulan sang Setyembre.
May-angot sini, kinahanglan lamang ang resolution sang Sangguniang Panlalawigan nga nagasignify sang commitment sang provincial government sa implementasyon sang nasambit nga programa.
Nahibaluan nga ang pagpili sang pilot areas ang base sa willingness sang mga local chief executives nga magparticipate sa konsepto sang Universal Healthcare kag ang daku nga tyansa sini nga magmadinalag-on.
Isa man sa integral part sang amo nga balaud ang referral system, sa diin isa sa may mabaskog nga referral system sa mga hospitals kag rural health units ang South Cotabato.
Base sa UHC Law, may i- istablisar nga special health fund sa diin diri ibutang ang mga pondo halin sa Philhealth, DOH, PAGCOR kag other sources. Samtang ang gobernador, bilang chairman sang health board ang may gahum kon paano ang pagprioritize sa amo nga pondo.
Ginhatagan punto ni Dra. Vingno nga ang UHC ang daku nga bulig ilabi na sa mga pigado nga mag-avail sang mga primary health packages kapareho sang doctor’s consultation kag iban pa nga health packages apang indi suno pa ini free hospitalization.
Sa subong suno pa may ginapatuman na nga no balance billing ilabi na sa mga sponsored indigents apang ini ang para lamang sa may basic hospital accommodation.
