May-yara pa sang bastante nga supply sang bugas ang South Cotabato lakip na dire ang supply sang National Food Authority ukon NFA kag may-yara pa man sang harbeson nga palay base sa ila nga inventory suno kay Provincial Agriculturist Justina Navarete.
May-angot sini, wala suno pa sang dapat nga ikapanic ang mga pumuluyo sa probinsya sa pihak sang ginapangatubang sa subong nga krisis tuga sang COVID-19 pandemic.
Sa subong nagadalagan sa P43.00 tubtob P44.00 kada kilo ang presyo sang bugas sa probinsya tungod magamay na lang ang harvest sa subong sang produkto nga palay.
Samtang yara man suno pa ang local price coordinating committee nga nagamonitor sa naga-overprice sang mga agri-products.
Ginpahayag man ni Navarete nga ginsuhestyon niya sa ipatigayon nga regional meeting sang attach agencies sa agriculture nga ilakip ang mga gobernador sa rehiyon agud nga ipalab-ot nga indi punggan ang pagpaggwa sang palay sa ila nga lugar.
Ginkumpirmar man ni Navarete nga sa Abril 23 pa ang release sang tubig sa pipila ka irigasyon dire sa probinsya agud makaumpisa naman tanom ang pipila ka mga mangunguma.
