Kabug-usan nga 4,800 doses sang COVID-19 vaccines ang nabaton sang South Cotabato Integrated Provincial Health Office (IPHO) sang Agosto 9.
Ang pinakabag-o nga 4,200 vials sang SinoVac’s CoronaVac vaccine ang para sa first dose sang frontline healthcare workers (A1), senior citizens (A2), kag persons with co-morbidities (A3).
Yara man sa 75 vials sang Oxford AstraZeneca vaccine ang gindeliver sang DOH 12 nga para sa first dose sang mga personnel sang Philippine National Police sa probinsya sang South Cotabato.
Ang nasambit nga supply sang AstraZeneca nga gindeliver ang yara sa 4 ml ukon 8 doses per vial indi kapareho sa nauna nga ginpadala sa probinsya.
Samtang base sa impormasyon may-yara pa sang masobra 11 vials sang AstraZeneca ang ipadala subong nga semana nga para sa mga PNP personnel.
Base sa datos sang IPHO sang Agosto 6, yara na sa 125,673 doses sang COVID-19 vaccines ang napadala sa South Cotabato .
Kahapon nga adlaw nakabaton naman ang Department of Health 12 sang kabug-usan nga 40,000 vials sang Sinovac vaccine para sa mga indibidwal nga yara sa A1 to A3 priority groups sa rehiyon.
