Nagalab-ot sa 9,930 doses sang COVID-19 vaccine ang panibag-o nga nabaton sang South Cotabato nga gindeliver sang Department of Health 12. Ini ang ika-15 na nga batch sang bakuna nga nabaton sang probinsya.
Sa nasambit nga supply, 5,700 doses sang Sinovac’s CoronaVac ang para sa second dose sang mga A1 to A3 priority groups.
Nakabaton naman ang Koronadal City sang 2,500 doses, tig-400 sa Lake Sebu, Norala kag Sto. Niño, tig 500 doses naman ang nabaton sang Polomolok kag Tampakan.
Samtang ang 1,000 doses ang tungaon sang Surallah, Banga, Tboli, Tupi kag Tantangan.
Yara man sa 346 vials (3,460 doses) sang Oxford AstraZeneca ang nabaton sang South Cotabato para sa second dose sang mga yara sa A1to A3 priority groups subong man 77 vials (770 doses) sang AstraZeneca ang gin-alokar para sa senior citizens sa idalom sang Tutok A2 Program.
