Nakabaton sang yara sa 19,744 doses sang Sinovac’s CoranaVac kag Oxford AstraZeneca vaccines ang South Cotabato, kahapon nga adlaw.
Ang pinakaulihi nga gindeliver sang Department of Health 12 nga COVID-19 vaccines sa probinsya ang ginalakipan sang 10,000 doses sang Sinovac vaccine nga para sa first shot sang wala pa nabakunahan nga frontline healthcare workers (A1), senior citizens (A2) kag adults with comorbidities (A3).
Sa nasambit nga alokasyon nakabaton sang tig 850 doses ang Tupi, Tampakan, kag Lake Sebu; tig- 1,700 ang Polomolok kag Koronadal City; 4,050 doses ang tungaon sang mga nabilin nga local government units sa probinsya.
Lakip man sa gindeliver nga supply sang bakuna kahapon ang para sa 2nd-dose vaccines nga ginabug-usan sang 2,500 doses sang Sinovac nga para sa A1 to A3 priority groups kag yara sa 4,122 doses sang AstraZeneca nga gin-alokar ang 77 vials (10 doses/vial) saTutok A2 initiative, 100 vials (10 doses/vial) para sa Koronadal City, 251 vials (8 doses/vial) para sa personnel sang Philippine National Police kag national government agencies, kag 43 vials (8 doses/vial) para sa mga miyembro sang Armed Forces of the Philippines nga naasign sa banwa sang Tupi.
Gin-advisan man sang DOH ang mga IPHOs, CHOs, kag RHUs nga ubuson ang vaccines sa sulod sang anum ka adlaw.
