Nagalab-ot sa 49,014 doses sang COVID-19 vaccines ang nag-abot nga supply sa South Cotabato sang Oktubre 26.
Ang nasambit nga supply ang ginabug-usan sang 17,500 doses sang Sinovac, 12,850 doses sang Pfizer, 3,664 doses sang AstraZeneca kag 15,000 doses sang Moderna. vaccines.
Suno sa pamunuan sang DOH 12 ang Sinovac, AstraZeneca kag Moderna vaccines ang para sa frontline healthcare workers (A1) kag A1 subgroups, senior citizens (A2), persons with comorbidity (A3) kag A3 subgroup, frontline health workers (A4), poor population (A5), kag nabilin nga adult population.
Samtang ang Pfizer vaccines ang para lamang sa A1, A2, A3 kag A5 priority groups.
Sa 17,500 doses naman sang Sinovac, 5,000 doses dire ang gin-alokar sa Koronadal City; tig-1,500 doses sa Surallah, Sto. Niño kag Lake Sebu; 2,000 doses sa Banga kag 6,000 doses ang tungaon sang iban nga mga banwa sa probinsya nga para naman sa first dose.
Gin-alokar naman ang Pfizer BioNTech vaccines sa Koronadal City nga nagalab-ot sa 1,179 vials (at least 7,020 doses kag 975 vials (at least 5,850 doses) para sa iban nga LGUs sa probinsya.
Makabaton namang banwa sang Polomolok sang direkta nga alokasyon halin sa DOH Central Office.
Samtang sa 15,000 doses sang Moderna vaccine, gin-alokar ang 5,000 doses sa Koronadal City kag 10,000 ang gindeliber sa South Cotabato Integrated Provincial Health Office nga tungaon sang mga LGUs.
Ang 458 vials (at least 3,664 doses) sang AstraZeneca ang 330 vials (at least 2,640 doses) ang para sa first dose kag ang 128 vials (at 1,024 doses) ang para naman sa second dose.
Base sa datos sang DOH 12 sang Martes kabug-usan na nga 51,075 vials (at least 124,910 doses) sang COVID-19 vaccines ang nadeliber nila sa mga provincial kag city health offices sa rehiyon.
