Gi-awhag ni South Cotabato Provincial Agriculture Officer Raul Teves ang mga mag-uuma sa probinsya nga i-avail ang P15 million nga palay support fund sa provincial government.
Matud pa nga mamahimo lamang nga mahidangat ang mga mag-uuma sa ilang buhatan aron nga mapasabot kanila ang angayan nilang himuon aron makabenepisyo sa programa sa lokal nga panggobyerno.
Plano matud pa sa programa nga paliton ug 19 pesos matag kilo ang produkto sa palay sa mga mag-uuma sa South Cotabato tungod sa padayon nga pag-ubos sa buying price sa palay sa probinsya sa kasamtangan.
Gikan sa P10 million sa nakalabayng tuig, gitas-an ngadto sa P15 million sa provincial government ang pundo alang sa palay procurement karong tuiga.
Matud pa mokabat sa 4.15 metric tons sa palay sa South Cotabato ang maani karon nga planting season sa mga lungsod sa Sto. Nino, Norala ug Surallah.
Mas ubos matud pa kini sa target nga walo ngadto na sa napulo ka metriko tonelada.
Base sa datus sa office of the provincial agriculturist anaa pa lamang sa kapin 900 ka ektarya ang naani sa kapin 13 mil hectares nga palayan sa South Cotabato.
