Davao City – Mapasalamaton si Davao City Police Office head PSSUPT Alexander Tagum sa mga benefactors nga taga-South Korea sa gihatag nga mga bag-ong patrol cars.
Matud ni Tagum nga 12 ka mga Hyundai Elantra mobile patrol cars ug 2 Hyundai Starex van ang gidonar kanila.
“I believe Davao City Police ang isa siguro sa mga units sa tibuok Pilipinas nga adunay pinaka daghang patrol cars. We are fortunate and blessed ug ako nagapasalamat sa atoang mga benefactors from South Korea nga naghatag aning additional patrol cars sa Davao City Police Office,” segun ni Tagum.
Ipang-apod apod kini sa 12 ka mga istasyon sa DCPO.
“Tanang mobile cars will be issued to all police stations but as the ground commander I recommended, na hindi man pweding magamit iyan sa Paquibato kay dili na magdugay so we are now looking for a new iyong pinaka latest namin na pick-up na pwedi namong i-swap sa Paquibato,” matud ni Tagum.
Gikatakdang ma turn over kini kanila karong bulana.
Gipaniguro ni Tagum nga wala nay mamahimong pasumangil pa ang mga kapulisan nga dili makaresponde tungod kay aduna na silay dugang sakyanan.
“The people of Davao City is assured na mas daghan-daghan gyod ang police visibility tungod sa additional logistic capability na niabot karon sa Davao City Police Office,” sumala ni Tagum.
RadyoMaN Aimee Guinita
