Aduna nay gi-draft nga ordinansa ang Sangguniang Panlungsod sa dakbayan sa Butuan kabahin sa pagtutuk sa problema sa dengue ning syudad nga gikaalarma sa mga katawhan.
Sigun ni Anthony Torralba, Health Education Promotion Officer sa City Health Office nga gisugdan niadtong adlawng Lunes ang pag-draft sa ordinansa human nagtagbu ang mga personahi sa DOH, City Health Office ug Butuan Medical Center (BMC) diin gihisgutan ang taas nga kaso sa dengue.
Unod sa ordinansa ang pagpahamtang ug multa batok sa opisyal sa barangay diin pakyas nga makapanglimpyo sa palibot ang iyang mga katawhan sa lugar.
Gimandoan usab ang mga opisyal sa barangay nga magmugna ug Task Force kontra dengue nga maoy manguna sa ilusad nga clean-up drive. Basi usab sa draft ordinance, maggahin ug 1.5 milyon pesos ang syudad sa Butuan alang sa intervention kontra sa dengue.
Sent from my Samsung Galaxy smartphone.
