Davao City – Gimando karon ni Davao City Mayor Sara Duterte-Carpio nga mag work from home ang mga empleyado sa Sangguniang Panglungsod (SP) building ning syudad sa Davao human nga ubay-ubay kanila ang nagpositibo sa Coronavirus Disease 2019 (COVID-19).
Sumala ni Mayor Sara (sa interbyu sa city-owned radio), na-swab na ang mga empleyado ug gimandoan usab niini ang Human Resource Management Office (HRMO) nga ipailawom sa katorse (14) ka adlaw nga work from home ang mga empleyado.
“Nag swab na atong mga employees. Daghan sa ilaha ang nag positive (sa COVID-19) dinha sa Sangguniang Panglungsod building nato. I already instructed Human Resource Management Office to send everyone for work from home for one incubation period or 14 days,” segun sa alkalde.
Sugod kagahapong adlawa (Mayo 31, 2021) ang pagpailawom sa pito (7) ka adlaw nga lockdown ang SP Building sa dalang San Pedro, Magallanes ning syudad nga molungtad hangtod Hunyo 6, 2021.
Ang mga opisina nga apektado sa lockdown mao ang City Treasurer’s Office, City Assessor’s Office, Business Bureau, City Civil Registrar’s Office, Vice Mayor’s Office, ug Councilors Offices.
RadyoMaN Kirby Manzon
