Davao City- Giaprubahan na sa Davao City Vaccination Cluster ang rollout sa booster shots sa Sangguniang Panlungsod-led mobile vaccination.
Sa interbyu sa DXDC RMN Davao kang Harvey Lanticse sa Vice Mayor’s Office, i-anunsyo lang ang schedule kung kanus-a magsugod ang booster mobile vaccination.
Gibutyag ni Lanticse, ang mobile vaccination for booster doses abli alang sa walk-ins ug walay gipiling lokasyon sa 1st ug 2nd dose sa usa ka recipient sa bakuna kontra COVID-19.
Usa sa mga tumong sa mobile vaccination aron matunol gayod ug mapaduol ang bakuna ilabina sa mga Davaoeños nga anaa sa Geographically Isolated and Disadvantaged Areas (GIDA).
Sa datus sa Vice Mayor’s Office (VMO) mobile vaccination, as of January 5, 2021, mokabat sa 106,238 na ang nabakunahan sa 1st dose, 72,360 sa 2nd dose ug 74,125 ang fully vaccinated sa single dose vaccine.
RadyoMaN Aimee Guinita
Facebook Comments
