Aprobado na sang mga katapo sang Sangguniang Panlalawigan sang South Cotabato sa ginpatigayon nga special session kahapon nga adlaw ang request ni Governor Reynaldo Tamayo Jr., nga pag-utilize sang PDRRMF Fund Investment Plan no.. 2 nga nagakantidad sang yara sa P35 million nga gamiton para sa public health emergency Management Program on Coronavirus disease 2019 ukon COVID-19.
Suno kay Vice Governor Vicenti de Jesus wala na sila sang madamo nga palamangkutanon angot sa nasambit nga pondo tungod napresentar naman sang maayo sa ila ang breakdown kon sa diin magkadto ang pondo kag ang datos sang PUM kag PUI.
Sa nasambit nga pondo suno sa bise gobernador magakadto sa pagbakal sang medical and laboratory supplies para sa South Cotabato Provincial Hospital, IPHO, kag PDRRMO ang P23,393,500.00, ginpainan naman sang P2,489,157.89 ang para sa functionality and equipage sang emergency operation center, P1.3 million para sa meetings, orientations/trainings and IEC campaign, P9.5 million para sa medical, hospital kag burial assistance sa mga apektado nga indibidwal sang COVID-19, P100k para sa psychological support services sa mga affected individual and families kag P1 million para sa construction and renovations sang isolation rooms.
Samtang tungod sa implementasyon sang provincewide lockdown temporaryo nga isuspindir sang Sangguniang Panlalawigan ang duha ka regular session umpisa sa masunod nga semana agud malikawan suno pa ang mass gatherings kag meeting kag magapatuman lang sang skeletal force suno pa ang SP.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
