Sindangan, ZDN-Human sa nahitabong pagpamusil didto sa lungsod sa Sindangan, ZDN niadtong adlawng Domingo Nov. 11, 2018 nga gikalambigitan ni Atty. Rogelio M. Dumdum, ang kapulisan karon sa probinsya sa Zamboanga del norte naghimo ug panagtigom aron mugnaon ang Special Investigation Task Group (SITG)
Kini unya ang mo tutok sa kaso ni Atty Dumdom aron masayran ang tinuod nga hinungdan ug si kinsa ang nagpaluyo sa maong insidente.
Niadtong adlawng martes Nov. 13, 2018, bandang 1:00PM kapin kun kulang si Deputy Regional Director for Operation, PRO9 PSSupt. Narciso Balisi Verdadero, uban sa Provincial Staff Officers sa Zamboanga del Norte Police Provincial Office sa pagpanguna ni ZNPO Provincial Dir. PSSupt. Michael Macapagal, Chief Of Police, ug National Support Units naghimo kini ug panagtigom may kalabot sa mugnaon nga Special Investigation Task Group “Dumdum”.
Tumong niining SITG “Dumdum” aron matan-aw ang posibleng mga anggulo aron dali nga mga sulbad ang maong kaso ug aron mataral sa hukmanan ang mga resposable sa pagpamusil.
Naningkamot usab ang hepe sa lungsod sa Sindangan nga si PSupt Joseph Maulad sa pagpangalap ug dugang ebidensya aron adunay kongretong basehan sa pagpasaka ug kaso sa mga naghimo sa maong salaod.
