ILOILO CITY – Gin-athag ni Mr. Norman Tabud head sang Business Permits and Licensing Office (BPLO) nga 200 pesos lamang ang special permit fee nga ginacollect sang syudad sa mga maluyag magbaligya sang bulak para sa pista minatay.
Suno kay Tabud kun may ginasukot man sa ila nga sobra sa 200 pesos, indi ina iya sang syudad.
Ang pahayag ginhimo ni Tabud sa pag-umpisa sang issuance sang special permit to sell subong nga adlaw.
Magasugod ang pagbaligya sang bulak sa Oktobre 31-Nobyembre 2 ukon sa sulod lamang sang tatlo ka adlaw.
Dapat man nga siguraduhon sang mga manugbaligya nga mangin matinlo ang ila pwesto matapos ang pagbaligya kag idumili ang pagpanigarilyo sa ila balaligyaan.
