General Santos City–Gibutyag karon ni Police Senior Inspector Bong Soliva, Deputy Station Commander sa Police Station 5 nga nagmugna na sila special task force kauban ang mga Intel operatives sa Gensan City Police Office (GSCPO) kabahin kini sa natigayong pagbusikad sa gituohang improvised explosive devices sa may national high way Purok lower Acharon, barangay Calumpang, Gensan niadtong nakalabayng simana.
Kahinumduman nga bandang alas 11:00 sa gabie dihang mibusikad ang eksplosibo nga gikaangol sa mga biktimang silang Alvin Gonato, 25 anyos, residenti sa PI-3, barangay Dadiangas North; Joenie Penuela Jr . 30 anyos, taga Purok San Lorenzo barangay Apopong ; Mervin Cabangan, 18 anyos, taga Labus barangay Fatima ug Ajirol Maslet , 25, lumulopyo sa Purok Banisil barangay Tambler ning dakbayan.
Aminado si Police Senior Inspector Soliva nga wala pa silay nasilip nga suspetsadong mihimo sa ingon gumikan wala man silay gihuptan nga witness nga maoy mutudlo sa mga suspek nga mihimo sa maong kremin . ( Ray Flores Sabillo )
