Davao City – Dili gayud garantiya nga como ang usaka tawo hataas og nakab-ot nga edukasyon, kahimatngon or kinaadman ingon man daku og kalampusan or estado sa kinabuhi nga dili siya maigo kun mamahimong bulnerable sa klase-klaseng hulga sa depression ug suicides.
Sumala ni Coalition of Concerns for Family of the Philippines Focal Person Pastor Jun Sorongon, malikayan nato ang depresyon ug posibilidad sa suicide kung himsog ang relasyon sa usaka tawo ngadto sa iyang isig-kaingon, sa pamilya ug sa katilingban.
Matud ni Sorongon, bantayanan kaayo ang kinaiya sa mga tawo kinsa naghambin og mga problema sa posibilidad nga basin kun nakagamot na sa ilang kinabuhi ang kawalay paglaum gani nagpakita na nga prone kini sa mga aksyon nga dili maayo.
Tambag usab sa maong pastor nga seguraduhon nga maayo ang relasyon niini ngadto sa Kahitas-an aron sa panahon sa pag-inusara, may kadangpan gihapon sa mga paghilak ug pagbakho diin dakung tabang ang divine intervention aron mugaan ang gibati nga kaguol.
Pahinumdom ni Sorongon nga solamente ang Diyos lamang maoy naghupot sa konkretong kasulbaran sa atong nasinatiang mga problema diin masaligan gayud ang Iyang mga saad nga papahulayon Niya ang tanang mga binuhat kinsa nabug-atan sa kinabuhi sa matag adlaw’ng tanan.
RadyoMan Joel Viray
