Davao City- Padayon ang pagkunhod sa COVID-19 admission sa Southern Philippines Medical Center (SPMC) samtang anaa ang dakbayan sa luag nga quarantine measures o Alert Level 2.
Gibutyag ni Dr. Ricardo Audan SPMC Chief, base sa November 17, 2021 30% ang na-utilize nga COVID-19 ICU beds samtang 33% sa isolation ward.
Matud ni Audan, kapin 70% ang pagkunhod sa mga na-confine nga mga moderate, severe ug critical COVID-19 patients.
Segun ni Audan, dako ang nahimong kontribusyon ug tabang sa on going effort sa gobyerno sa vaccination aron dili magrabehan ang usa ka pasyente ug dili ma-hospital.
Nagpabiling estriktong gipatuman sa SPMC ang pagsul-ob gihapon sa face shield ug face mask aron dugang layer sa proteksyon.
Nagpahimangno si Audan sa katawhan nga magpabiling igmat ug tumanon ang Minimum Public Health Standard.
RadyoMaN Aimee Guinita
