Davao City – Andam na ang Public Safety and Security Command Center (PSSCC) sa pag-imposar sa security ug health measures alang sa Christmas Season ug pagluag sa quarantine protocols sa dakbayan sa Davao.
Sa interbyu sa DXDC RMN Davao kang PSSCC Chief Angel Sumagaysay, aron masegurong matuman ang minimum public health standard sa pagdagsa sa mga tawo sa convergence areas aduna nay integrated security plan ang security sectors.
“Although virtual karon ang celebration sa Pasko Fiesta but then naga-expect ta kay naay Misa de Gallo ug mga Christmas rushes, naa diha sa mga malls nato, public markets , mga tourist destinations, mga family bondings nga mupasyal sa mga lugar. Ato ng na-discuss with the security clusters, humana ang mother plan, implementing plan na lang,” sumala ni Sumagaysay.
Mas daghang security forces ang ipang-deploy sa syudad sumala ni Sumagaysay.
Nanawagan si Sumagaysay sa management sa mga mall ug mga establishments alang sa pagtuman sa mga guidelines batok COVID-19 ug kinahanglang masunod gayud sa mga tawo ang social distancing ug pagsuot sa face masks.
Segun ni Sumagaysay, magpahigayon og coordination meeting sa pagpanguna ni Integrated Gender and Development Division head Lorna Mandin aron ma-harmonize ang IATF guidelines diha sa pagpasulod sa mga bata sa mga malls.
RadyoMaN Aimee Guinita
