SPMC: COVID-19 critical level giklaro

61

Davao City – Kontrolado gihapon sa Southern Philippines Medical Center (SPMC) ang gidaghanon sa mga pasyente sa COVID-19.

Segun ni SPMC Officer-In-Charge (OIC) Medical Center chief Dr. Ricardo Audan, wala pa makatungtong sa critical level busa manageable pa gihapon ang kahimtang karon sa hospital luyo sa pandemya niining nasinatian.


Giingon ni Audan, anaa pa sa 57% ang pre-occupied sa Intensive Care Unit (ICU) sa hospital bisan og dunay madugang nga madala sa mga natakbuyan sa COVID-19 matag karon ug unya.

Matud ni Audan, wala pa makaabot sa 70% nga warning level ug 80% critical level ang hospital hinuon ilang obserbahan ang estado hangtud sa Agosto 15 karon nga giwagtang na ang FM Pass ug curfew hour sa dakbayan sa Davao.

Kahinumduman, gibakwi ni Mayor Sara Duterte-Carpio ang paggamit sa FM Pass ug curfew hour human gipabilin sa ikatulong higayon ang syudad sa Modified General Community Quarantine (MGCQ) niadtong Agosto 1 ning tuiga.

RadyoMaN Joel Viray




Facebook Comments