Brgy. Pampanga: Frontliner positibo sa COVID-19

Davao City – Laing usa ka frontliner sa Brgy. Pampanga ning syudad sa Davao ang nagpositibo sa COVID-19 human gipailawom sa swab test.

Sumala ni Brgy. Pampanga Kapitan Contancio Tiongco atol sa interview sa DXDC RMN Davao, ang maong frontliner usa ka babaye taga-Doña Asuncion ug nagtrabaho sa usa ka pampublikong hospital ning dakbayan sa Davao ang kumpirmadong nataptan sa virus.

Matud ni Tiongco, migawas usab ang resulta sa ikaduhang swab test nga nagnegatibo na sa maong balatian apan anaa pa kini sa isolation facility.


Samtang ang pamilya niini gipa-ilawom na usab sa 14 days quarantine.

“Naa pa sa isolation (facility). Pagkuha nila didto deklarado nga positive sa COVID-19… Apan ongoing ang investigation ug anaa pay laing himuon nga swab test,” segun ni Tiongco.

RadyoMaN Don Pulayao

Facebook Comments