Davao City- Puno na ang tanang isolation beds og mga pasyenteng moderate ang kondisyon sa COVID-19 sa Southern Philippines Medical Centers (SPMC) samtang anaa sa 94% ang occupancy rate sa Intensive Care Unit (ICU) diin dinhi usab naka-confineang mga severe ug critical COVID-19 patients.
Sa June 8, 2021 nga datos sa SPMC, fully occupied na ang 321 ka mga COVID-19 isolation beds.
Gibutyag ni Dr. Ricardo Audan, SPMC chief sa ilahang closed door meeting atol sa pagbisita ni Department of Health Sec. Franciso Duque III gipatutukan gayod kaniya ang pagpadaghan COVID-19 ICU beds.
“Gipang-convert na namo ang mga private wards into ICU kay ana lagi si Sec. Duque nga tutukan gyod ug i-expand gyod ang ICU kay diha gyod ang mga tawo nga adunay mangamatay kaysa sa mga moderate,” sumala niini.
Gikan 35 beds anaa na sa 87 beds ang COVID-19 ICU sa SPMC ug 82 beds na ang okupado og pasyente.
Gitudlo gihapon sa mga health officials ang pagkumpyansa sa katawhan ug wala pagtuman sa health protocols kontra COVID-19.
RadyoMaN Aimee Guinita
