Davao City – Anaa na sa 96.67% ang rate sa nagamit nga Intensive Care Unit kun ICU beds alang sa COVID-19 nga mga pasyente sa Southern Philippines Medical Center kun SPMC.
Sa pakighinabi sa DXDC RMN Davao kang SPMC OIC Dr. Ricardo Audan, gibutyag niini nga as of December 6, 2020, 29 beds na ang nagamit out of 30 nga giandam nga beds diin gikunsidera na kini karong anaa sa critical level.
Dugang sa datos, anaa na sa usab sa 85% ang occupancy sa ward isolation beds sa maong balay tambalanan diin anaa usab kini karon sa critical level.
“Ang atong bed occupancy sa ICU medyo critical ta, 96.67%. Ang atong ward isolation naa sa critical about 85%. Meaning ang ICU beds out of 30 beds, 29 (occupied), isa nalang para ma 100% and ang ward isolation naka-occupy ta og 291 out of 342 beds that we allotted,” segun ni Audan.
Gibutyag ni Audan nga As of December 6 (2020), naay nadugang sa datos nga 15 COVID positive, duha patay samtang 11 ang nakarekober.
Gani dugang niini nga lauman pa nga mutaas ang kaso sa COVID-19 karong bulan sa Disyembre sa posibleng holiday gatherings nga maoy gipahimangno nila nga likayan ug kung aduna man, sundon gihapon ang minimum health standards.
Hinuon sa laing interview kang Department of Health kun DOH Undersecretary Leopoldo Vega nga kontrolado ang kaso sa COVID-19 ilabi na sa pagpahigayon sa usa sa mga lakang karon sa pagpakunhod sa COVID cases nga mao ang Aggressive Community Testing.
RadyoMaN Renz Barbarona
