Davao City – Patay ang usa ka 29 anyos nga si Jerwin Langcuban Allilian nga trabhanate sa SPMC kinsa taga Trento, Agusan del Sur, human naligsan ang gimanehong motorsiklo sa usa ka wing van.
Sumala sa report, bandang alas 12:20 sa kadlawon paingon ngadto Catalunan Pequeño ang maong biktima diin matud pa posibleng nakatulog kini dihang na overshoot sa pikas lane sa may dalang Bukidnon partikular sa pasubida ug likoon nga dalan gani nasugatan niini ang usa ka wing van nga gimaneho ni Armando BongBong, 53 anyos, nga taga SIR Phase 1 New Matina ning siyudad.
Napasok ang maong motorsiklo uban ang biktima ngadto sa truck ug on the spot kining namatay.
Gidala ngadto sa Villa funeral Parlor sa Toril ang patayng lawas ni Allilian samtang gi kustodiya sa Talomo PNP ang driver sa wing van truck.
RadyoMaN Paul Canono
