Davao City – Nagpadayon gihapon ang pagmonitor ug pagpangandam sa pagpanguna sa Department of Health (DOH-XI) ug Southern Philippines Medical Center (SPMC) batok corona virus disease (COVID-19) sa rehiyon human duha ka pinoy ang nagpositibo sa maong balatian.
Sumala ni SPMC Chief of Clinics Dr. Ricardo Audan nga sa worst-case scenario kontra sa maong sakit, andam na ang SPMC pinaagi sa mga kagamitan ug mga lawak nga didto ipahilunan ang mga matakbuyan niini nga sakit, bisan pa man ug negatibo ang rehiyon sa COVID-19.
“Dili man na ordinary room for any kind of patient, intended na siya pareha anang COVID-19, so we are prepared and I hope na wala lang gyuy maging positive,” segun ni Audan.
Alayon niini, padayon silang nag-awhag sa publiko nga aron malikayan ang maong balatian himoong baskog kanunay ang lawas pinaagi sa taas nga resistensya, paghugas sa kamot, mag-ehersisyo ug kung mag-ubo tabunan ang baba ug ilong.
RadyoMaN Bernard Pantallon
