Otro persona ya culga

Otro tamen padre de familya el ya comete suicidio pormedio de culga su fescueso.
Este vez el suicidio ya sosede na Isla Verde, Sta. Catalina, Sabado madrogada.
Con el victima de suicidio ya conose como si Michael Lumamog y Sandalan, 33 anios de edad, electrician/maintenance del Balikatan na Wesmincom.
Asegun con el esposa di Lumamog si Genalyn alas 10 del noche de Biernes cuando junto sila y diila maga anac ya dormi pero alas 3 del aga Sabado ya disperta le y ya espanta ya lang le cuando ya mira le bitay ya su marido y muerto ya.
Semehante con el losdemas quien tan suicide, si Lumamog ya usa nylon amaro para trinca su fescueso y ya connecta contra na quisame del casa y yan bitay.
Mas de ese, asegun con Genalyn tiene histroya de suicidio el familya del su marido.