Davao City – Nagkaproblema ang Southern Philippines Medical Center (SPMC) tungod adunay mga cadavers sa COVID-19 patients ang wala pa gipang-claim sa ilahang mga tagtungod.
Sa eksklusibong pakighinabi sa RMN Davao kang Dr. Ricardo Audan, SPMC Officer-in-Charge, dili gakooperar ang pipila ka mga tagtungod kanila taliwala sa ilahang constant nga pag-follow up.
Sumala ni Audan, mao kini’y rason sa giingong pag-‘pile-up’ sa mga patay tungod sa mga unclaimed ug wala pa kini na-proseso.
“Manawagan ko sa mga relatives sa mga namatay, libre lang man ang cremation even ang direct burial, hinaot unta nga makuha na nila ang ilahang relatives para ma-process nato ang himuon sa patay,” sumala ni Audan.
Matud ni Audan, adunay unom ka mga wala pa nakuhang mga patayng lawas sa morgue sa SPMC.
Gibutyag ni Audan nga niabot na ang gipalit sa SPMC nga cadaver van o freezer van nga kabutngan sa mga namatay sa COVID-19.
RadyoMaN Aimee Guinita
