Davao City – Gilantaw karon sa Southern Philippines Medical Center (SPMC) nga magbutang og mga monitors sulod sa Intensive Care Unit (ICU) diin nabutang ang mga critical patients sa coronavirus disease 2019 (COVID-19).
Sumala ni Dra. Marie Yvette Barez, Infection Control and Prevention Unit chair sa (SPMC) atol sa interbyu sa RMN Davao, kini aron makita sa mga pamilya ang ilahang mga kabanay nga naka-admit sa ICU nga dili nila mabisita.
Gibutyag ni Barez, ginapahibalo na daan ang mga pamilya sa mga COVID-19 critical patients bahin sa sitwasyon una man i- intubate ang ilahang mga kabanay.
“We were planning to set-up a monitor sa isa ka room para makit-an lang sa pamilya ang patient kung dili makaistorya gani kay kritikal man ug naka-intubate og dili makaistorya so makit-an lang sila,” sumala ni Barez.
Naglisod lamang sila karon sa mga mag-install nga mga technicians sa mga monitor tungod sa taas nga risgo sa COVID-19 sulod sa ICU.
Samtang, ang mga moderate ug severe patients nga admitted sa SPMC ward mamahimong maka-video call o maka-communicate sa ilahang mga pamilya samtang naka-isolate.
RadyoMaN Aimee Guinita
