Davao City – Kasong paglapas sa RA 9165 ang gipasang-at sa Davao City Police Office batok sa lalaking naka-sports car nga wala mihunong sa Task Force Davao checkpoint sa Barangay Sirawan, Toril District, Davao City, miyerkules sa buntag.
Sa interbyu sa DXDC RMN Davao kang Police Col. Kirby John Kraft, DCPO City Director, nakuhaan ang suspetsado og 12 gramos nga marijuana.
Base sa ID sa suspek, usa ka assistant manager sa usa ka kompaniya sa Matina ning dakbayan ang dinakpang 30 anyos nga suspetsado.
Sa inbestigasyon gikan sa General Santos City ang sakyanan ug wala kini nihunong hinungdang gigukod sa personahe sa Task Force Davao og nadakpan sa Toril Poblacion.
Sumala ni Kraft, mag-agad sa Task Force Davao kung aduna pay laing kaso ang ipasaka.
“ Doon sa report nila wala namang nasirang government properties, other than that kung may nasaktan pwedi silang magkaso, nasa kanila kung ano ang statement na ibigay nila,” gibutyag ni Kraft.
RadyoMaN Aimee Guinita
