General Santos City–Gikatakda nang mapailawom sa rehabilitasyon ang Gensan City Sports Complex nga nahimutang sa Barangay Calumpang ning dakbayan sa Gensan. Kini gibutyag ni Lady Manalo- labaw sa City Sports sa Gensan atol sa pakighinabi kaniya sa RMN Gensan.
Sumala ni Manalo nga ilang gilauman nga makapahigayon na dayon ug bidding ang syudad aron masugdan na ang rehabilitasyon sa sports complex.
Kalabot niini, dili pa ikabutyag ni Lady Manalo ang iksaktong petsa sa pagsugod sa rehabilitasyon apan iyang gilauman nga mahitabo kini sulod ning tuig 2018.
Nasayran nga lakip sa mapailawon sa rehab ang swimming pool sa Gensan Sports Complex kung asa gigahinan kini ug budget nga P8, 000,000.00.
Kahibaluan nga ang Gensan Sports Complex mapuslanon alang sa LGU ilabi na kay dinhi ginapahigayon ang mga padula sa higayon nga ang Gensan ang maghost sa Palarong Pambansa. (Jordan Britos)
(Photo From Web)
