General Santos City—Bakus sa WBA World Super Bantam Weight Champion ang malampusong nga nasakmit sa usa ka 21-anyos nga si Reymark Gaballo nga taga Gensan.
Si Gaballo usa sa mga kuya’wng boksedor nga mi-hatag ug bag-ong dungog sa siyudad sa Heneral Santos. Si Gaballo anaa ilawom sa Sanman Promotions ug usa sa mga gitutukang boksedor ni Coach Bora Fernandez nga mi-bansay pa sa Miami Florida sa Estados Unidos isip preparasyon niini sa iyang pagsakmit sa kampyonato.
Adunay record si Gaballo nga 19 wins, 0 loss ug 16 K.O. tungod niini siya gihatagan ug pasidungog kagahapong adlawa sa hawanan sa Sanguniang Panglungsod gumikan sa dungog nga gihatag niini sa Syudad.
Dako sab ang pagpasalamat sa nasangpit nga boksidor gumikan sa gipakitang suporta kaniya sa mga taga Gensan ug mga opisyal syudad hilabi na sa mga nagkupot kaniya ug nitabang aron nga mas mabansay pa ang iyang kahanas sa natad sa boksing.
Samtang gipasalamatan usab ni Hon. Vice Mayor Sherlyn Banas Nograles si Reymark Gaballo tungod sa dugang dungog na usab sa Gensan kansa ginganlan ug home of the Champion.
Samtang gidayeg sab sa SP ang Sanman promotion sa ilang kanunay nga pagsuporta alang sa mga Kabataang Heneral nga nangandoy nga magmalampuson sa boksing. (Ivy Grace Ulanday, NDDU Intern)
