![28407904_1661001613938347_286356326_o](https://i0.wp.com/rmn.ph/wp-content/uploads/2018/02/28407904_1661001613938347_286356326_o.jpg?resize=696%2C392&ssl=1)
Gipagawas na sa Task Force Ungab ang hulagway sa spotter ug gunman sa pag-ambush patay kang Atty. Jonnah John Ungab .
Kini pinaagi sa kuha sa CCTV camera nga gihuptan sa Cebu City Police Office nunot sa nagpadayong imbestigasyon sa Task Force Ungab sa pagpatay sa abogado ni self confessed drug lord Kerwin Espinosa.
Matud ni Sr. Inspector Jonathan Taneo hepe sa Homicide Section Cebu City Police Office nga ang spotter nagsul-ob og TSHIRT nga itom nga dunay marka nga I HEART SG kong I LOVE SINGAPORE nga gibana-banang naa sa hingkod na nga pangidaron.
Sa laing kuha sa CCTV camera, nakita usab ang direksyon sa pagsibat sa GUN MAN ug sa kauban niining driver nga nipaingun sa syudad sa Mandaue, ug gituhuang nilahos pa sa syudad sa Lapulapu o ba kaha posibling nilahos sa lungsod sa Consolacion.
Padayon pa karong gisusi sa kapolisan ang identity sa Spotter .
Pinaagi sa gipagawas nga hulagway, nanawagan ang Task Force Ungab sa publiko nga makig-alayon kanila aron mailhan ug madakpan ang mga suspek sa pagpatay kang Atty. Ungab.