General Santos City–Pormal nang gisugdan ang mga padula sa SRAA kon Socsargen Regional Athletic Association nga gipahigayon sa syudad sa Gensan kung asa gisalmotan kini ug mga partisipante gikan sa mga probinsiya ug syudad sa Rehiyon 12.
Sumala pa ni Deped Gensan Schools Division Superintendent Romilito Flores nga niadtong milabay nga adlaw pa nagsugod ug abot ang mga partisipante gikan sa ubang lugar kung asa anaa naman usab kini karon sa mga eskwelahan aron sa ilahang temporaryong puy-an.
Dugang pa niini nga dili matud pa perpekto ang nahatag nila nga tulugan sa mga partisipante apan gipaniguro man usab niini nga ilang gihatag ang tanang gikinahanglan sa mga atleta ug mga maestra nga miuban niini.
Samtang Karong adlawa ipahigayon ang opening sa SRAA 2020 tungod usab sa availability sa ilahang guest speaker nga usa ka deped under secretary nga muhatag ug mensahe sa mga players nga ipahigayon sa Lagao Gym alas 9:00 ang takna sa buntag samtang paghuman sa opening balik man usab ang dula sa mga bata nga mahuman sa adlaw nga Byernes.
Nanghinaot man usab si Flores nga madepensahan sa Gensan ang titulo nga overall champion sa SRAA 2020.(Dave Silagan)
