Gumikan kay lugi o losing, gipatuman sa San Roque Metals Incoporated SRMI sa Tubay, Agusan del Norte ang temporary closure sa mining operation sugod karung adlawa, January 5, 2018. Sa kumpirmasyun ni Ryan Culima, Vice President for Public Affairs sa SRMI, dakong kantidad ang nahimong lugi sa SRMI sa ilang operasyun. Wala usab niya gikabutyag ang specific amount sa pagkalugi. Daotan nga panahon ug ubos nga presyo sa nickel ang gitumbok nga hinungdan sa maong closure. Gumikan sumala pa sa maot nga panahon kusog nga bagyo, hangin ug ulan, naparalisa ang ilang operasyun ug naka-standby sa taas taas nga panahon ang mga cargo vessel ug dako ang ilang nabayad sa DEMORAHE. Ang demorahe, maoy bayad o penalty sa matag adlaw nga kalangan sa barko, diin ang SRMI nagbayad ug P20,000 matag adlaw nga pagkalangan sa paglarga sa barko. Kini gumikan sa daot nga panahon. Sa normal nga operasyun, 6 ngadto sa 7 ka adlaw lamang dapat ang pag pundo sa barko arun pun-on sa 50,000 tons nga yuta nga anaay nickel apan sa pagkakarun muabot sa tulo ka semana nga mapundo ang barko Usa usab sa gitumbok nganong lugi ang SRMI, mao ang pag ubos sa presyo sa nickel didto sa China, diin sa pagkakarun anaa lamang sa 5,000 dollars per tons ang presyo. Unya ang operating expenses niini muabot sa 11,000 dollars per tons. Apan gipaklaro ni Culima, nga ang pag sira dili kini mulungtad sa hataas nga panahon ug temporary lamang gumikan kay sa pagkakarun anaa pa sa off season. Anaa sa1000 minero laborers ang mawad an sa trabaho kini ang gitawag nga mga lower staff apan ang mg higher staff kauban ang General manage magpabilin ra sa trabaho. Sent from my Samsung Galaxy smartphone.
