Davao City – Ginadiskurahe sa Social Security System kun SSS ang pag-undang og bayad sa kontribusyon og muabot na og 120 months.
Sumala ni Greta Quayle sa SSS-Davao atol sa interview kaniya ni RadyoMaN Misel Miral-Galve sa Serbisyong Straight to the Point, mas dako ang madawat nga pension og daghan ang gibayad nga kontribusyon.
Pagpasabot ni Quayle nga pwede na mag-pension ang 60 years old nga miyembro ug kung aduna na usab kini 120 months nga kontribusyon.
“Di mi naga advise nga og muabot na og 120 months muundang na, padayon lang apan og di kaya, pwede ra undangon apan mas maayo og ilahutay aron mas dako ang madawat nga pension,” segun ni Quayle.
Ang SSS-Davao makauban sa programang Serbisyong Straight to the Point matag adlawng Miyerkules, 8am-9am sa DXDC 621 RMN Davao alang sa pagtubag sa mga concerns sa mga SSS members ug magpa miyembro pa.
RadyoMaN Renz Barbarona
