Davao City – Ginakunsidera og una sa Social Security System kun SSS ang unang asawa o ang anaa sa marriage contract nga makadawat sa benepisyo sa SSS og mipanaw na ang bana.
Kini ang tubag ni Greta Quayle sa SSS Davao atol sa interview ni RadyoMaN Misel Miral-Galve kaniya sa tulumanong Serbisyong Straight to the Point.
Subay kini sa pangutana sa usa ka DXDC texter kinsa miingon nga nagbulag sa iyang bana nga miyembro sa SSS ug human sa pipila ka tuig, namatay kini.
Dugang pa nga ang iyang bana aduna usab kapuyo nga lain.
Gibatbat ni Quayle nga og walay court order bahin sa ilang panagbulag, ang unang asawa ang makadawat gihapon sa mga benepisyo samtang og adunay minor child/children sa ikaduhang asawa ang member, makadawat usab kini og benepisyo gani matud pa mas dako ang madawat sa mga menor nga anak kaysa sa unang asawa.
RadyoMaN Renz Barbarona
