Davao City – Giawhag sa Social Security System (SSS) ang mga empleyado nga mag-file og pormal nga reklamo ngadto sa ilang buhatan batok sa mga employers nga wala mihulog og igong kontribusyon sa SSS.
Kini ang giingon ni Greta Quayle sa SSS Davao atol sa interview sa ‘Serbisyong Straight to the Point’ diin subay kini sa nagpadayong kampanya sa buhatan batok sa mga employers nga nakalapas sa SSS law.
Sumala niya nga kinahanglan nga samtang bag-o pa sa pagpanarbaho, i-monitor na ang mga kaltas sa sweldo og asa ba kini napadulong aron dili magkaproblema pag abot sa panahon nga mugamit na sa mga kontribusyon.
Giklaro usab sa SSS nga dugay na nilang ginabuhat ang pagbisita sa mga employers aron masuta og aduna bay kontribusyon sa mga empleyado nga wala gibayaran ug mga empleyado’ng wala gi-report diin karon padayon ang ilang kampanya ubos sa Run After Contribution Evaders (RACE).
RadyoMaN Renz Barbarona
