Malaybalay City, Bukidnon – Gikumpirma sa Social Security System kon SSS nga aduna silay gitun-an nga gamay kaayong pagtaas sa SSS contribution rate.
Sa interview sa RMN Malaybalay ngadto kang SSS Chairman Amado Valdez, gibutyag niini nga duha ka klase ang ilang gitun-an sa pagpataas sa kontribusyon.
Matud ni Valdez nga ang una mao ang pag-usab sa maximum salary credit tungod kay sa karon ang gibayran nga kontribusyon gi-base lang kini sa sweldo nga 16,000 kada bulan.
Pasabot niini nga bisan ang adunay binulan nga 16-mil pataas nga sweldo, basehan lang gihapon niini ang 16,000 pesos nga sweldo tungod kay mao lang kini ang gisingil sa SSS maong plano nila kining usbon ug ipataas ngadto sa 20,000.
Ikaduha matud pang gitun-an nila sigun ni Chairman Valdez mao ang pagtaas sa contribution ngadto sa 1.5% aron mudako usab ang mga benepisyo nga mahatag sa mga miyembro sama sa hospitalization, funeral nga kuhaon sa saving o contribution sa mga miyembro sa SSS.
